• 22 Jan, 2023

გერონტი ქიქოძის პრემია 2023

ცხადდება კონკურსი გერონტი ქიქოძის სახელობის პრემიის მოსაპოვებლად!
პრიზი ყოველწლიურად გადაეცემა ფრანგულენოვანი რომანის საუკეთესო ქართულ თარგმანს.

- რომანის ქართული თარგმანი კონკურსზე უნდა წარადგინოს გამომცემლობამ ან მთარგმნელმა;
- რომანის ქართული თარგმანი ბეჭდური სახით გამოცემული უნდა იყოს 2022 წელს;
- განაცხადების რაოდენობა შეზღუდული არ არის;
- განაცხადის მიღების ბოლო ვადა 2023 წლის 10 თებერვალია;
- გერონტი ქიქოძის სახელობის პრემიის ლაურეატი გამოცხადდება მარტის თვეში;
- პრემია წარმოადგენს 1000 ლარს. იგი გადაეცემა მთარგმნელს.

დამატებითი ინფორმაციის მიღება და განაცხადის შევსება შესაძლებელია გამომცემლობა აგორას საიტზე (http://agorabooks.ge/ka/award).

გამომცემლობა აგორა გისურვებთ წარმატებას! 

• 18 Sep, 2022

მოგზაურობა ლიტერატურულ ევროპაში

ევროკავშირის პროგრამა „შემოქმედებითი ევროპა“ მხარს უჭერს ევროპული ლიტერატურის თარგმნისა და პოპულარიზაციის ინიციატივებს. მისი მიზანია, გააფართოვოს ევროპის მრავალფეროვანი ლიტერატურის გავრცელება სხვადასხვა ქვეყანაში და ხელი შეუწყოს ევროპელ ავტორებს ახალი პუბლიკის მოპოვებაში.

• 16 Sep, 2022

სელია აჰავას "ციდან ჩამოვარდნილი საგნები" სტატიის ავტორი ნანა ლალიაშვილი

სელია აჰავა თანამედროვე ფინელი მწერალი და სცენარისტია. მას დაწერილი აქვს რამდენიმე რომანი. რომანისთვის „ციდან ჩამოვარდნილი საგნები“ სელია აჰავას 2016 წელს ევროკავშირის ლიტერატურული პრემია მიენიჭა.

• 15 Sep, 2022

ივ ბონფუას „მოძრაობა და უძრაობა დუვისა“ სტატიის ავტორი ნანა ლალიაშვილი

ივ ბონფუა ფრანგი პოეტი, ხელოვნების კრიტიკოსი და მთარგმნელია. საფრანგეთში მას მეოცე საუკუნის მეორე ნახევრის და ოცდამეერთე საუკუნის დასაწყისის უდიდეს პოეტად მიიჩნევენ. მას გამოცემული აქვს ოცდაათზე მეტი ლექსების კრებული და მცირეტანიანი რომანი. 

• 15 Sep, 2022

ანჯელა ნანეტის „ბაბუაჩემი ალუბლის ხე იყო“ სტატიის ავტორი ნანა ლალიაშვილი

ანჯელა ნანეტი იტალიელების საყვარელი საბავშვო მწერალია. წიგნისთვის „ბაბუაჩემი ალუბლის ხე იყო“ მან მიიღო საბავშვო ლიტერატურისა და წიგნის ხელოვნების საერთაშორისო პრემია.

• 15 Sep, 2022

მარია გრიპეს „ფუნდურა მხოლოდ ბინდში დაფრინავს“ სტატიის ავტორი ნანა ლალიაშვილი

მარია გრიპე შვედი საბავშვო-საყმაწვილო მწერალია. მის კალამს ეკუთვნის ორმოცამდე წიგნი, რომლებისთვისაც მწერალმა მრავალი ლიტერატურული ჯილდო მიიღო, მათ შორის: დობლოუგის პრემია (Dobloug Prize) შვედური და ნორვეგიული მხატვრული ლიტერატურისთვის; სკანდინავიის საბავშვო წიგნის პრემია (Nordic Children’s Book Prize); საბავშვო ლიტერატურის განვითარებაში შეტანილი წვლილისთვის მარია გრიპე დაჯილდოებულია ჰანს ქრისტიან ანდერსენის მედლით.

• 15 Sep, 2022

ემანუელე ტრევის "რაღაც ნაწერი" (სტატიის ავტორი ნანა ლალიაშვილი)

ემანუელე ტრევი თანამედროვე იტალიელი მწერალი, ჟურნალისტი, ლიტერატურული კრიტიკოსი და წამყვანია. 28 წლის ასაკში სტაჟიორად მოეწყო პიერ პაოლო პაზოლინის ფონდში. ახალგაზრდა ტრევის მიზნად ჰქონდა მოეძია, დაემუშავებინა, დაეხარისხებინა და წიგნად გამოეცა პაზოლინის ინტერვიუები.

• 14 Sep, 2022

ტომა გუნზიგის "ჩემ გარდა არავინ მომკვდარა" (სტატიის ავტორი ნანა ლალიაშვილი)

ტომა გუნზიგი პოპულარული ბელგიელი ფრანგულენოვანი მწერალი და ლიტერატურული გადაცემების წამყვანია, რომლის სავიზიტო ბარათი შავი იუმორი გახლავთ.

• 14 Sep, 2022

ფილიპ ჯიანის „ნიანგები“ (სტატიის ავტორი ნანა ლალიაშვილი)

ფილიპ ჯიანი ფრანგი მკითხველების საყვარელი მწერალია. განსაკუთრებული პოპულარობა მან 80-იანი წლების ახალგაზრდებში მოიპოვა და თავისი რომანით „37°2 დილით“ ისეთი ზეგავლენა მოახდინა მათზე, რომ შემდგომში „ჯიანის თაობა“ შეარქვეს.

• 13 Sep, 2022

გაელ ჟოსის “ელის აილენდის უკანასკნელი მცველი“ (სტატიის ავტორი: ნანა ლალიაშვილი)

1954 წელი. სამოცდაორი წლის დატვირთული მუშაობის შემდეგ ელის აილენდზე მდებარე საიმიგრაციო ცენტრი სამუდამოდ იხურება.

• 07 Sep, 2022

მოგზაურობა ლიტერატურულ ევროპაში

მოგზაურობა ლიტერატურულ ევროპაში

სტატიის ავტორი: გურანდა ბურსულაია